LYRIC
[1º Verso]
kel ceu azul, kel água cristalina
bem konxi um paraiso em forma di dez ilha
cabo verde é kel terra ki ku mi ta kombina
kel por di sol é di mas óh ké ta brilha
kriola só bunita, ilha di turista
ka mesti flau di sal txiga boavista
sabi ti di mas, bu ta spanta ku clima
di santiago, brava txiga são vicente,
maio e são nicolau, ruti li é kenti
santo antão ka mesti flau
kela é di meu
abrão vicente dja flau
nha terra nha kretcheu
1 di maio la na fogo també festa banderona
gilito tem rasom, cabo verde sta na moda
nós é forti di kultura
nós morabeza, nós muzika
nós kultura sta sempri la di riba
es terra li ku mi ta kombina
[Refrão]
é podi ka té ouro
é podi ka té diamanti
é podi até ser pobri
ma é ta kombina ku mi
kel ceu azul, kel água cristalina
tantu morabeza, ki ta kombina ku mi
[2º Verso]
cabo verde terra sabi sem igual
ma txeu di nós nu ka sta valorizal
nós di li nu ta fala, ma nu ka sa mudal
parcem ma um des dia turistas ta bem kompral
mudjeris bendedeiras tudu é nha drosa
es dadu corti ka podi bendi na porta scola
ago mó kes ta fasi pa sustenta familia
si kela ki era ses pom di kada dia
violencia tudu kantu di es dez ilha
sé ka homicidiu, então é pedofilia
pó anda na rua ami ka sabi é modi
kada passu ki bu da é um kassubodi
cabo verde mi gosta di nha terra di mas
ma tem kusas ki ta ruem e ta tram padaz
jovens sem nada fasi, ka tem nehum trabadju
recorri a violencia como um gazadju
[Refrão]
é podi ka té ouro
é podi ka té diamanti
é podi até ser pobri
ma é ta kombina ku mi
kel ceu azul, kel água cristalina
tantu morabeza, ki ta kombina ku mi
[3º Verso]
krioulo e eskravatura da origem a nha povo
ribera grandi servi di porton pa mundu novo
grassas a nós heroi ki morri 20 di janeru
5 di julho grandi dia na cv interu
kel data ki nu toma kel karta di alfuria
nu venci txeu problema, kaba ku kel guerra fria
terra xeiu difikuldadi, mas sempri nu sta ta ri
injustisa e problema ka ta kombina ku li
[Refrão] 2x
é podi ka té ouro
é podi ka té diamanti
é podi até ser pobri
ma é ta kombina ku mi
kel ceu azul, kel água cristalina
tantu morabeza, ki ta kombina ku mi
Nenhum comentário até agora