LYRIC

[1º Verso – Mark Delman, D.N.A]
Tenta po na pel,moda se bô é creme
Ma é na pel d quem nem creme tém pa po na pel
Po na pel d kés pel é k tém prublema de pel
Pa bo sinti na pel,u ké ké tém pel,k ene d mudel
Ou unton po na pel … d kém ta pta suor pa se pel
N´faze um produt k se salario é mut poc ké pel tel

Po na pel, d´ôt moda el k se cartera el perdel
Bo otchal se pa dal el bo fcal kel
Ou antes d reprova p abuso d corp
Lembra na bos pais é k ti t bá tra kel dnher tud d bols

Lembra k u ké k és ti ta dôb é ganhód é k mut esforç
Bo tém k da tud moss, pa das orgulh faze bo ftur ój
…e ante d da kel broda big d blok
Lembra ki k bo sinti cond B.A.K ta te lupib d soc

Ka bo eskcé ké é k bo ta esfakia mod or e diamante
É kel mesmo k´um dia pode bem dob sangue

[Refrão – Mark Delman]
Será que bo ta consegui
Po na pel de kenhe k ca tém um têt pa durmi
Quem k na vida t falta alegria ke pel surri
Tip um fror é que falta d água ké pel fluri, sem ninguém pa uvil
Será que bo ta consgui
Po na pel de kem t espia empreg e el ca ta consegui
E el ta k fitch na casa k barriga ta rugi
Será que bo ta consegui po na pel (po na pel)

[2º Verso – Mark Delman]
Po na nha pel
Mi k ca tém cmida pa cmé e mesmo se um tivesse um ca ta pode ke boca a ca tém dent
Ya li na éss pel
D quem k vida ca ta anda dret, aliás ca ta anda nada moda ses amputal kes 2 pé
Mi ké Cab Verd
Ené kes cartaz turistic k bo t oia n internet k imagem de praias comprod pa estranger
E és President
De Câmara até Républica t responde nos pobreza k monzada e cara sorrident
Bém li na guét … ya bém li na guét
Unde k bo t otcha casas mas piknin du ki bo gabinet
Bém li na guét … ya bém li dent d guét
Bo oia manera k nos oi ta kuaz cég de tont leva k bos dêd
Ta passa pa tud iss ma ta manté fort … ta surri pa nôs vida sé p tchora mort
Dnher e saúde ja ta pôc, sem luz e tanque á ta rôt, ma um ta surri ke ainda no tém amor
Um pode até ser pobr, ca ta da pa conta col ke um tém na mom
Ma mi é trabalhador, um sabe ke traboi é dur e que bo dnher ene cú p um passa mom
Um ca po coca ta surfa na um lancha
Um ca vende tchom ke bo tem direit pa estranger faze casa
E dpós d fazel es baza,baza pa sés casa
Bô casa é sés segunda casa e bo ta sém casa
Nha fítch ca leva bala mod cenas d tráfico e 2 dia dpós pessoas cala
Mi um ta suja fót d macók enkuant bô vida é frent d espei ta limpa fót d macák

[3º Verso – Dzenh (King Dro)]
(unto é assim)
Bzot ta kema dnher na restaurante e mi ca tém nem lume na nha campin
(e mas trist)
Manera kum ti ta bem faze pa po nha filha na jardim
(s´é assim )
Sem nenhum ocupação sem traboi e sem nada, mi també tcham da nhe speed p´ôt banda
Comessá t da cassu body,ranja um manera de trafica tud nha cotchada
Mi ca tém nada pa perde ke nha vida ja ta pirdid,antes de bossé bém manda boca( bém pra li )
Trá so 24 hora bô bém (vivé ma mi) bo ta tcheka tónt igual á mi ke êss (hambiente pari)
(óóó)
Unico forma de bo entendem é bo sinti nha dor
Bo ca tava consegui ne siker passa 5 hora contamá fca um dia li ma nós

[Refrão – Mark Delman]
Será que bo ta consegui
Po na pel de kenhe k ca tém um têt pa durmi
Quem k na vida t falta alegria ke pel surri
Tip um fror é que falta d água ké pel fluri, sem ninguém pa uvil
Será que bo ta consgui
Po na pel de kem t espia empreg e el ca ta consegui
E el ta k fitch na casa k barriga ta rugi
Será que bo ta consegui po na pel (po na pel)

 

  • Produção :
  • RayBeatz
  • Mix & Mastering :
  • HELLBOX STUDIO



Adicionada por

eXOTRik

PARTILHAR

FACEBOOK COMMENTS

O seu endereço de email não será publicado. Campos obrigatórios marcados com *

PUB

VIDEO