LYRIC

[Intro]
sashi nuvem, terra seku
n’teni cedi,
ku speransa txuba ta cai
na bu ladu, sta guardadu
abensuadu
kurasom sorna, levi
portom di ceu n’sabi mó ta abri
kaminhus longos, sabi n’ta sigui
pam txiga fim, novo komesu pa mi
na bu ladu, libertadu ka tem nada mas sabi

[1º Verso]
onti sunha ku kel dia ki nta xinti free
n’obi bu voz na nha janela ta flam pam sai
bu flam dez kuza sabi ki sempri tem ki sigui
sendem um chama forti bibu logo dentu mi
bó é kaminhu di justisa, paz e liberdadi
(só bó kê salvasom pa nós kumunidadi)
bó é kaminhu di justisa, paz e liberdadi
(karta d’alforia pa humanidadi)

[Refrão]
dia ki tudu cai
laguas baza di mai
forsa kaba na pai (ganha karta d’alforia)
dia kompu kel lei
livru abertu pa rei
n’tom ta pensa na bai (ganha karta d’alforia)
ma enkuanto sta bibu
nha vida é di kristu
ku txeu sakrifisiu (ganha karta d’alforia)
kre afasta di lixu
maldadi sinismu (nhos perduam pa nhas pekadu)
(ganha karta d’alforia)

[2º Verso]
mi é pirigrinu
teni djabi di paraisu
kravadu na xintidu
luz ki ta habita nha kaminhu
mi é fugitivu
nha pé sta karegadu spinhu
kada vitoria tem sakrifisiu
nha bolsu sempri tem lensinhu
mi é preto finu
n’ka toka nunka na identidadi
ki ta movi nha realidadi
manti sempri na humildadi
kre seti fidju
pam das amor, livras di falsidadi
forma homis di verdadi
pa kompleta nha destinu, Kino
txomam simplicidadi, ta blaf, mó black Albino
mama fla fidju, kuidadu ku kes xibu, yes
nha pai bai sedu, manti sempri sakedu
luta ku visiu, batota, games ku matrankilu
dentu zona ponta, kontra kapeta tudu dia
ma nha fé é mas grandi,
ka dexam pam kai na porkaria
subriviventi e alta
ko julga nhas desizom
pó nunka ka xinti bu mom
na momentu di frustasom

[Refrão]
dia ki tudu cai
laguas baza di mai
forsa kaba na pai (ganha karta d’alforia)
dia kompu kel lei
livru abertu pa rei
n’tom ta pensa na bai (ganha karta d’alforia)
ma enkuanto sta bibu
nha vida é di kristu
ku txeu sakrifisiu (ganha karta d’alforia)
kre afasta di lixu,
maldadi sinismu (nhos perduam pa nhas pekadu)
(ganha karta d’alforia)

[3º Verso]
alvez ta xinti mi só
riba des mundu imensu
kastigadu pa solidom,
ki ta involvi nha universu
um kasador, um peskador,
di sonhus di pizadelu,
um sunhador,
um poeta sem lirika, sem afetu

kurasom ta txora,
kuasi tudu hora
n’ka ta suporta krueldadi frenti di nha porta
jovens ta morri pamó droga
minis ta involvi pa 2 nota,
só txokota, Praia é prigo, moda polpa
pensaba ma homi podi midjora situasom
má ingana kantu xinti lovour na nha kurasom
ka tem guverno pa salvanu, es kre só distruisom
es ka pom riku ma ku inveja e ódio di kes bu irmom
pensaba ma skola era um grandi solusom
má panha disepsom, quasi kim cai na depresom
ma la na fim di tunel, xinti luz di salvasom
kantu poi joelho na txomam
e intrega vida na bu mom

[Refrão]
dia ki tudu cai
laguas baza di mai
forsa kaba na pai (ganha karta d’alforia)
dia kompu kel lei
livru abertu pa rei
n’tom ta pensa na bai (ganha karta d’alforia)
ma enkuanto sta bibu
nha vida é di kristu
ku txeu sakrifisiu (ganha karta d’alforia)
kre afasta di lixu,
maldadi sinismu (nhos perduam pa nhas pekadu)
(ganha karta d’alforia)




Adicionada por

eXOTRik

PARTILHAR

FACEBOOK COMMENTS

O seu endereço de email não será publicado.

PUB

VIDEO